ఆర్థిక ఇబ్బందులతో యువకుడి ఆత్మహత్య

దిశ, ముషీరాబాద్ : ఆర్థిక ఇబ్బందులతో, మానసిక ఒత్తిడికి గురై ఓ యువకుడి ఆత్మహత్య చేసుకున్న సంఘటన చిక్కడపల్లి పోలీసుస్టేషన్ పరిధిలో జరిగింది. పోలీసుల కథనం ప్రకారం వివరాలిలా ఉన్నాయి... బాగ్ లింగంపల్లి బృందావన్ కాలనీలో క్లాసిక్ ఎన్‌క్లేవ్ అపార్ట్మెంట్ 3వ అంతస్తు ప్లాట్ నంబర్ 103 లో నివసించే తరుణ్ తివారీ ( 21) పోస్టాఫీసు బేగంపేటలో కాంట్రాక్ట్ ఉద్యోగిగా విధులను నిర్వహించేవాడు.

    ఇదిలా ఉండగా గురువారం సాయంత్రం నాలుగు గంటల సమయంలో తన ప్లాట్ లో తరుణ్ తివారీ ఉరివేసుకుని ఆత్మహత్యకు పాల్పడ్డాడని శ్రీను అనే వ్యక్తి గుర్తించి పోలీసులకు సమాచారం అందించాడు. సమాచారం అందుకున్న చిక్కడపల్లి పోలీసులు కిందకు దింపి చూడగా అప్పటికే మృతి చెందినట్లు గుర్తించారు. మృతుడు ఆర్థిక సమస్యలతో బాధపడుతున్నాడని, ఎవరికీ చెప్పుకోలేక కుటుంబ సభ్యులు లేకపోవడంతో ఉరివేసుకుని ఆత్మహత్యకు పాల్పడ్డాడని విచారణలో తేలిందని పోలీసులు తెలిపారు. విషయాన్ని మృతుడి తల్లిదండ్రులకు పోలీసులు సమాచారం అందించారు. ఈ మేరకు కేసు నమోదు చేసుకుని దర్యాప్తు చేపట్టారు.