టెన్త్ ఎగ్జామ్ ఫీజు గడువు పెంపు.. కొద్ది రోజులు మాత్రమే..!

దిశ, తెలంగాణ బ్యూరో: పదో తరగతి పరీక్ష ఫీజు గడువును డిసెంబర్ 5 వరకు పొడిగించారు. ఈ మేరకు ప్రభుత్వ పరీక్షల విభాగం డైరెక్టర్ కృష్ణారావు గురువారం ఒక ప్రకటనలో తెలిపారు. గతంలో ఇచ్చిన షెడ్యూల్ ప్రకారం ఈనెల 28 వరకు ఎలాంటి ఫైన్ లేకుండా ఫీజు చెల్లించే అవకాశం ఉంది. అయితే, విద్యార్థులు, టీచర్ల నుంచి వచ్చిన విజ్ఞప్తుల నేపథ్యంలో వచ్చేనెల 5 వరకు పొడిగించినట్టు పేర్కొన్నారు. రూ.50 ఫైన్​తో డిసెంబర్ 12 వరకు, రూ.200 ఫైన్‌తో వచ్చేనెల 19 వరకు, రూ.500 ఫైన్‌తో డిసెంబర్ 30 వరకు ఫీజు చెల్లింపులకు అవకాశం కల్పించినట్లు పేర్కొన్నారు. విద్యార్థులు త్వరగా ఫీజు చెల్లింపులు చేసుకోవాలని, ఆలస్యం చేయొద్దని సూచించారు.