Hyderabad:నగరవాసులకు బిగ్ అలర్ట్..ఈ ప్రాంతాల్లో దంచికొడుతున్న భారీ వర్షం

దిశ,వెబ్‌డెస్క్: హైదరాబాద్ నగరంలో భారీ వర్షం పడుతోంది. నగరంలో ఈ రోజు(గురువారం) ఉదయం ఎండగా, ఉక్కపోతతో ఉన్న వాతావరణం ఒక్కసారిగా మారింది. మేఘాలు దట్టంగా కమ్ముకున్నాయి. ఈ క్రమంలో రాత్రి నగరంలో జోరు వాన కురుస్తుంది. బోయిన్ పల్లి, సికింద్రాబాద్, అల్వాల్, పటాన్‌చెరు, ఆర్సీపురం, జూబ్లీహిల్స్, అమీన్‌పూర్, అమీర్‌పేట్, మాదాపూర్, కూకట్ పల్లి, ఖైరతాబాద్, బంజారాహిల్స్,  పంజాగుట్ట, హైటెక్‌సిటీలో వర్షం దంచి కొడుతోంది. ఈ భారీ వర్షం మరో గంట నుంచి రెండు గంటల పాటు కొనసాగుతుందని ఐఎండీ తెలిపింది. ఈ నేపథ్యంలో ప్రజలు అప్రమత్తంగా ఉండాలని వాతావరణ అధికారులు సూచించారు. అత్యవసరమైతే 040-21111111/9000113667 నెంబర్‌కి ఫోన్ చేయాలని GHMCకి చెందిన EVDM సూచించింది.