ఉస్మానియా ఆసుపత్రి కొత్త భవనం నిర్మించాలి

దిశ, కార్వాన్ : ఉస్మానియా ఆస్పత్రి కొత్త భవనం నిర్మించాలని జూడాలు ఆందోళన చేపట్టారు. మంగళవారం జూడాలు విధులు బహిష్కరించి ఆస్పత్రి ప్రాంగణంలో ర్యాలీ నిర్వహించారు. ఈ సందర్భంగా వారు మాట్లాడుతూ.. ఉస్మానియా ఆసుపత్రిలో ఒక్కో బెడ్ పైన ఇద్దరు ముగ్గురు పేషంట్స్ కి చికిత్స అందించాల్సి వస్తోందని, కెపాసిటీకి మించి ట్రీట్మెంట్ అందిస్తున్నామన్నారు. పాత భవనంలో ట్రీట్మెంట్ ఆపేసిన తరువాత చాలీచాలని స్థలంలో వైద్య చికిత్సలు అందించలేక పోతున్నామన్నారు. కొత్త భవనం నిర్మాణం చేపట్టే వరకు పోరాటాన్ని ఆపేది లేదని తెలిపారు.