రావి ఆకుపై రేవంత్ రెడ్డి..

దిశ, వెబ్ డెస్క్: తెలంగాణ జరిగిన ఎన్నికల్లో కాంగ్రెస్ పార్టీ హవా చాటింది. ఆ పార్టీ అభ్యర్థులు మెజార్టీ నియోజకవర్గాల్లో జయకేతనం ఎగురవేశారు. దీంతో తెలంగాణలో అధికారాన్ని చేపట్టబోతున్నారు. దీనంతటికీ టీపీసీసీ చీఫ్ రేవంత్ రెడ్డే కారణమంటూ తెలంగాణ వ్యాప్తంగా ప్రశంసలు కురుస్తున్నాయి. ఈ నేపథ్యంలో టీపీసీపీ చీఫ్ రేవంత్ రెడ్డిపై హైదరాబాద్ అల్వాల్‌కు చెందిన సూక్ష్మ‌కళాకారుడు పూన ప్రదీప్ తన అభిమానాన్ని చాటుకున్నారు. పచ్చటి రావి ఆకుపై రేవంత్ రెడ్డి రూపాన్ని రూపొందించారు. తెలంగాణలో అధికారంలోకి రాబోతున్న టీపీసీసీ చీఫ్ రేవంత్ రెడ్డికి ప్రదీప్ శుభాకాంక్షలు తెలిపారు.

కాగా గతంలో ప్రదీప్  రావి ఆకుపై శ్రీరామనుజస్వామి, చినజీయర్ స్వామి, సీఎం కేసీఆర్‌తో పాటు, మరెందరో మహనీయుల ఆకృతులను రావి ఆకుపై రూపొందించి అందర్నీ ఆకట్టుకున్నారు. స్వర్ణకారుడైన ప్రదీప్  ఖాళీ సమయాల్లో తన కళలతో పలువురి మన్ననలు పొందుతున్నారు.