Crime News : సికింద్రాబాద్ రైల్వేస్టేషన్లో ఐదేళ్ల బాలుడి కిడ్నాప్

దిశ, వెబ్ డెస్క్ : సికింద్రాబాద్ రైల్వే స్టేషన్లో బాలుడి కిడ్నాప్(Kidnap) కలకలం సృష్టించింది. తమ ఊరికి వెళ్ళడానికి రైల్వేస్టేషన్ కు చేరుకున్న తల్లిదండ్రుల పక్కన నిద్రిస్తున్న ఐదేళ్ల సంజుకుమార్ అనే బాలుడిని గుర్తు తెలియని వ్యక్తులు కిడ్నాప్ చేశారు. బాలుని కోసం రైల్వేస్టేషన్ అంతా వెతికిన తల్లిదండ్రులు రైల్వే పోలీసులకు సమాచారం అందించారు. ఫిర్యాదు అందుకున్న పోలీసులు.. స్టేషన్లోని సీసీ కెమెరాలను పరిశీలించగా.. ఓ గుర్తు తెలియని వ్యక్తి బాలుడిని ఎత్తుకొని వెళ్ళడం గుర్తించారు. సీసీ టీవీ ఫుటేజ్ ఆధారంగా నిందితుని కోసం గాలింపు చర్యలు చేపట్టారు.