ఓవైసీ గుండా గిరిని తిప్పికొడతాం.. బోయ నగేష్​

దిశ, చార్మినార్​ : ఈ ఎన్నికల్లో కాంగ్రెస్​ పార్టీ గెలుపును అడ్డుకునే శక్తి ఏ పార్టీకి లేదని ఉత్తర్​ ప్రదేశ్​ మహిళా కాంగ్రెస్​ ఉపాధ్యక్షురాలు, హైదరాబాద్​ జిల్లా పరిశీలకులు ఉరుస రాణ అన్నారు. చాంద్రాయణగుట్ట నియోజకవర్గం కాంగ్రెస్​ పార్టీ ఎమ్మెల్యే అభ్యర్థి బోయ నగేష్​కు మద్దతుగా చాంద్రాయణగుట్ట నియోజవర్గంలోని ఛత్రినాక పోతలింగన్న దేవాలయం, హమాంబౌళి, ఓంనగర్​, జయప్రకాష్​ నగర్​, లక్ష్మీనగర్​, శివగంగానగర్​, మొరంబావి ప్రాంతాలలో ఎన్నికల ప్రచారం నిర్వహించారు.

ఈ సందర్భంగా ఉత్తర్​ ప్రదేశ్​ మహిళా కాంగ్రెస్​ ఉపాధ్యక్షురాలు ఉరుస రాణ మాట్లాడుతూ ఖచ్చితంగా తెలంగాణలో కాంగ్రెస్​ పార్ట​ అధికారంలోకి వస్తుందని అన్నారు. వచ్చిన వెంటనే 6 గ్యారంటీలను ఖచ్చితంగా అమలుచేస్తారని భరోసా ఇచ్చారు. చాంద్రాయణగుట్ట నియోజకవర్గం కాంగ్రెస్​ అభ్యర్థి బోయ నగేష్​ను భారీ మెజార్టీతో గెలిపించాలని అభ్యర్థించారు. ఈ సందర్భంగా బోయ నగేష్​ మాట్లాడుతూ చాంద్రాయణగుట్టలో ఓవైసీ గుండాయిజాన్ని తిప్పికొడుతామని హెచ్చరించారు. ఈ కార్యక్రమంలో కాంగ్రెస్​ పార్టీ నాయకులు తుడి అనిల్​, రాము, రాజుయాదవ్​ తదితరులు పాల్గొన్నారు.