గుంతలో పడిపోయిన చిన్నారి.. తప్పిన ప్రమాదం

దిశ, చార్మినార్: పాతబస్తీలోని ఘాజీ మిల్లత్ కాలనీలో తాగునీటి పైప్ లైన్ కోసం తవ్విన గుంతలో సైకిల్​పై వెళ్తున్న ఓ చిన్నారి ప్రమాదవశాత్తు పడిపోయాడు. వెంటనే గమనించిన స్థానికులు చిన్నారిని గుంత నుంచి పైకి తీయడంతో పెను ప్రమాదం తప్పింది. ఈ ఘటనలో చిన్నారికి తీవ్ర గాయాలయ్యాయి. అయితే సంబంధిత కాంట్రాక్టర్​ఆ గుంతల చుట్టూ హెచ్చరిక తెలిపే సూచిక బోర్డులను కానీ, ట్యాగ్ కానీ కట్టకపోవడం కారణంగానే చిన్నారి గుంతలో పడి తీవ్ర గాయాలు అయ్యాయని స్థానికులు ఆరోపిస్తున్నారు. ఇప్పటికైనా సంబంధిత కాంట్రాక్టర్, అధికారులు సూచికలు ఏర్పాటు చేయాలని స్థానికులు డిమాండ్​చేస్తున్నారు.