కొత్త ప్రభుత్వం ఎదుట హరీష్ రావు తొలి డిమాండ్

దిశ, తెలంగాణ బ్యూరో: కొత్త ప్రమాణ స్వీకారం చేసిన ఎమ్మెల్యేలకు మాజీ మంత్రి హరీశ్ రావు శుభాకాంక్షలు చెప్పారు. శనివారం అసెంబ్లీ సమావేశాల ముగింపు అనంతరం మీడియా పాయింట్ వద్ద ఆయన మాట్లాడుతూ.. అధికార పక్షం అయినా ప్రతిపక్షం అయినా ఎప్పుటికీ తాము ప్రజల పక్షాన నిలబడతామని ప్రకటించారు. రైతాంగమంతా రాష్ట్ర ప్రభుత్వ నిర్ణయం కోసం వేచి చూస్తోందని అభిప్రాయపడ్డారు.

ఎన్నికల ప్రచారంలో వడ్లు అమ్ముకోకండి మేము బోనస్‌తో వడ్లు కొనుగోలు చేస్తామని చెప్పారు. ఇప్పుడు అధికారంలోకి వచ్చారు రూ.500 బోనస్‌తో వడ్లు ఎప్పుడు కొంటారో చెప్పాలని డిమాండ్ చేశారు. తుపాన్ కారణంగా కొన్ని చోట్ల వడ్లు తడిసాయని, వాళ్ళను ఆదుకోవాలని కోరారు. మీరు అధికారంలోకి వచ్చాక రైతుబంధు కింద ఎకరాకి రూ.15000 డిసెంబర్ 9వ ఇస్తామని చెప్పారు. ఎప్పుడు రైతుబంధు ఇస్తారో చెప్పాలని డిమాండ్ చేశారు.