TGSRTC: రాములోరి తలంబ్రాలు కావాలా? భక్తులకు తెలంగాణ ఆర్టీసీ గుడ్‌న్యూస్.. నేరుగా ఇంటికే

దిశ, డైనమిక్ బ్యూరో: భక్తులకు తెలంగాణ ఆర్టీసీ (TGSRTC) గుడ్ న్యూస్ చెప్పింది. శ్రీ రామనవమికి భద్రాచల సీతారాముల కల్యాణ మహోత్సవానికి వెళ్లలేకపోతున్నారా? మీకు పరమ పవిత్రమైన రాములోరి తలంబ్రాలు కావాలా? ఐతే మీకు టీజీఎస్ఆర్టీసీ మంచి అవకాశం కల్పిస్తోంది. లాజిస్టిక్స్ విభాగం ద్వారా తలంబ్రాలను మీ ఇంటికే తీసుకొస్తుంది.

మీరు చేయాల్సిందల్లా ఇప్పుడే బుకింగ్ చేసుకోవడమే.. ఆలస్యమెందుకు ఇప్పుడే సమీపంలోకి ఆర్టీసీ లాజిస్టిక్స్ కేంద్రాలకు వెళ్లండి. విశిష్టమైన రాములోరి తలంబ్రాలను రూ.151 చెల్లించి బుకింగ్ చేసుకోండి. ఆర్టీసీ వెబ్‌సైట్‌ http://tgsrtclogistics.co.in లో ఆన్‌లైన్‌ బుకింగ్‌తో పాటు కాల్‌ సెంటర్‌ నెంబర్లు 040-69440069, 040- 69440000 ను సంప్రదిస్తే.. సంస్థ మార్కెటింగ్‌ ఎగ్జిక్యూటీవ్‌లు భక్తుల వద్ద నేరుగా ఆర్డర్లు స్వీకరిస్తారు. ఈ వివరాలను ఎక్స్ వేదికగా మంగళవారం టీజీఎస్ఆర్టీసీ ఎండీ సజ్జనార్ ప్రకటించారు.