GHMC : జీహెచ్ఎంసీ ప్రధాన కార్యాలయంలో మేయర్ విజయలక్ష్మి ఆకస్మిక తనిఖీలు

దిశ, వెబ్ డెస్క్: జీహెచ్ఎంసీ(GHMC) ప్రధాన కార్యాలయంలో మేయర్ విజయలక్ష్మి(Mayor Vijayalakshmi) ఆకస్మిక తనిఖీలు నిర్వహించారు. కార్యాలయ సమయానికి ఉద్యోగులు హాజరు కాకపోవడంపై మేయర్ ఆగ్రహం వ్యక్తం చేశారు. సిటీ చీఫ్ టౌన్ ప్లానింగ్ ఆఫీసర్ తో పాటు ఇతర శాఖ అధికారులు కార్యాలయానికి రాకపోవడంపై మేయర్ విజయలక్ష్మి మండిపడ్డారు. అధికారుల గైర్హాజరు పై రిపోర్ట్ ఇవ్వాలని అడిషనల్ కమిషనర్ ను ఆదేశించారు.

ప్రజావాణిలో అత్యధిక ఫిర్యాదులు టౌన్ ప్లానింగ్ పై రావడంపై మేయర్ ఆగ్రహం వ్యక్తం చేశారు. విధులకు సకాలంలో హాజరుకాని ఉద్యోగుల పేర్లతో తనకు జాబితా సమర్పించాలని ఆదేశించారు. వారిపై శాఖపరమైన చర్యలు తీసుకోవాలని స్పష్టం చేశారు.