Ganja Smuggling: సినిమా రేంజ్ లో గంజాయి స్మగ్లింగ్.. ఛేదించిన పోలీసులు

దిశ, డైనమిక్ బ్యూరో: కారులో గంజాయి తరలిస్తున్న ఓ వ్యక్తిని సంగారెడ్డి జిల్లాలో పోలీసులు పట్టుకున్నారు. ముందస్తు సమాచారం ప్రకారం మంగళవారం తెల్లవారుజామున సంగారెడ్డి జిల్లా కంకోల్ వద్ద పోలీసులు వాహన తనికీలు చేపట్టారు. ఇందులో అనుమానాస్పద స్థితిలో ఉన్న వాహానాలను ఆపి తనికీ చేశారు. వీటిలో మహారాష్ట్ర నంబర్ ప్లేట్ ఉన్న ఓకారును ఆపి సోదాలు చేయగా.. సీట్ల కింద ఏర్పాటు చేసిన పెట్టెలో గంజాయి రవాణా చేస్తున్నట్లు పోలీసులు గుర్తించారు. నిందితుడు వద్ద నుంచి 83.4 కిలోల గంజాయిని స్వాధీనం చేసుకున్నారు. దీని విలువ దాదాపు 33.5 లక్షలకు పైగా ఉంటుందని పోలీసులు అంచనా వేస్తున్నారు. నిందితుడు చిత్తూరు జిల్లాకు చెందిన వ్యక్తిగా గుర్తించిన పోలీసులు.. గంజాయిని ఏవోబీ నుంచి మహారాష్ట్రకు తరలిస్తున్నట్లు తెలుసుకున్నారు. అతడి నుంచి సెల్ ఫోన్ తో పాటు వాహానాన్ని స్వాధీనం చేసుకొని సీజ్ చేశారు. నిందితుడిపై కేసు నమోదు చేసి, పోలీస్ స్టేషన్ కు తరలించారు.