Double iSmart : తెలంగాణ పోలీస్ అకాడమీలో ‘డబుల్ ఇస్మార్ట్’ ముచ్చట్లు..!

దిశ, డైనమిక్ బ్యూరో: ఉస్తాద్ రామ్ పోతినేని, ప్రముఖ డైరెక్టర్ పూరి జగన్నాథ్ కాంబినేషన్‌లో వస్తున్న పాన్ ఇండి మూవీ ‘డబుల్ ఇస్మార్ట్’. స్వాతంత్ర్య దినోత్సవం సందర్భంగా చిత్రం ఈ నెల 15న విడుదల అవుతోంది. ఈ నేపథ్యంలోనే నటుడు రామ్, డబుల్ ఇస్మార్ట్ నిర్మాత, నటి ఛార్మి తెలంగాణ పోలీస్ అకాడమీలో అధికారులతో ప్రత్యేకంగా భేటీ అయ్యారు. ఈ సందర్భంగా పోలీసు అధికారుతో కాసేపు ముచ్చటించారు.

కాగా, ఆగస్టు 15న డబుల్ ఇస్మార్ట్ చిత్రం తెలుగుతో పాటు తమిళం, కన్నడ, మలయాళం, హిందీ భాషల్లో ప్రపంచవ్యాప్తంగా విడుదల కానుంది. మూవీ రిలీజ్ దగ్గర పడటంతో చిత్ర బృందం ప్రమోషన్స్ జోరు పెంచింది. ఈ క్రమంలోనే తాజాగా వరంగల్లో ప్రీ రిలీజ్ ఈవెంట్ గ్రాండ్‌గా నిర్వహించి చిత్రబృందం. మూవీలో హీరో రామ్‌తో పాటు హీరోయిన్‌గా కావ్య థాపర్ నటిస్తుండగా.. బాలీవుడ్ స్టార్ సంజయ్ దత్ ఫుల్ క్యారెక్టర్‌లో కనిపించి ప్రేక్షకులను మెప్పించనున్నారు.