‘ధరణిని రద్దు చేస్తా అని నడ్డా అంటే.. బండి సంజయ్ చేయబోము అంటుండు’

దిశ, డైనమిక్ బ్యూరో: తెలంగాణలో బీజేపీ వర్సెస్ కాంగ్రెస్ మధ్య మాటల యుద్ధం పెరిగింది. రాష్ట్రంలో బీఆర్ఎస్, కాంగ్రెస్ ఒక్కటేనని.. 30 మంది కాంగ్రెస్ అభ్యర్థులకు సీఎం కేసీఆర్ రూ. కోట్ల పాకెట్ మనీ ఇస్తున్నారని బీజేపీ రాష్ట్ర అధ్యక్షుడు బండి సంజయ్ చేసిన వ్యాఖ్యలకు కాంగ్రెస్ నేత మల్లురవి కౌంటర్ ఇచ్చారు. కాంగ్రెస్ లో కోవర్టులు ఎవరూ లేరన్నారన్న ఆయన.. కేసీఆర్ ఇచ్చే పాకెట్ మనీ తీసుకునేవాళ్లు అసలే లేరన్నారు. బండి సంజయ్ చేసే ఆరోపణలకు విలువ లేదని విమర్శించారు. కేసీఆర్ ను జైల్లో పెట్టిస్తామన్న బండి సంజయ్..ఇప్పుడు మౌనంగా ఎందుకు ఉంటున్నారని ప్రశ్నించారు. బీజేపీ పార్టీలోని జాతీయ, రాష్ట్ర స్థాయి నేతల మాటలకు పొంతన లేదని ధ్వజమెత్తారు.

ఇవి కూడా చదవండి : సోలాపూర్‌లో కేసీఆర్ ‘షో’.. 600 కార్లతో సినీ స్టైల్‌లో ఎంట్రీ..!