Harish Rao : కేసీఆర్ సాధించిన విజయంపై కాంగ్రెస్ స్వారీ.

దిశ, డైనమిక్ బ్యూరో: ఎవరు అవునన్నా కాదన్నా వ్యవసాయ రంగంలో తెలంగాణ అగ్రగామి అని, తొమ్మిదేళ్ల బీఆర్ఎస్ పాలన వ్యవసాయ రంగానికి ఒక సువర్ణ అధ్యాయం అని మాజీ మంత్రి, బీఆర్ఎస్ ఎమ్మెల్యే హరీశ్ రావు అన్నారు. 2023-24 సవంత్సరానికి గాను వరి ఉత్పత్తిలో తెలంగాణ మొదటి స్థానంలో, పత్తి ఉత్పత్తిలో 3వ స్థానంలో నిలిచిందన్నారు. ఈ మేరకు గురువారం ట్వీట్ చేసిన హరీశ్ రావు.. ఈ ఘనత మంత్రమేస్తేనో.. మాయ చేస్తేనో జరిగింది కాదన్నారు. ఇదంతా ఒక్క రొజులో జరిగింది కాదని 9 ఏండ్ల కేసీఆర్ కృషి, పట్టుదల, విజనరీ లీడర్ షిప్ వల్ల సాధ్యపడిందన్నారు. కేసీఆర్ కష్టపడి సాధించిన విజయంపైనే కాంగ్రెస్ ప్రభుత్వం స్వారీ చేస్తున్నదని సెటైర్ వేశారు. పంటల సాగులో మేటి మన తెలంగాణ.. దేశానికే ఆదర్శం మన తెలంగాణ అన్నారు.