శ్రీవారి బ్రహ్మోత్సవాలకు సీఎం రాక!

దిశ, బీర్కూర్ : బీర్కూర్ మండలంలోని తిమ్మాపూర్ గ్రామ శివారులో గల తెలంగాణ తిరుపతి దేవస్థానంలో జరిగే బ్రహ్మోత్సవాలకు సీఎం కేసీఆర్ హాజరుకానట్లు సమాచారం. ఈనెల 25 నుంచి ప్రారంభమయ్యే శ్రీవారి బ్రహ్మోత్సవాలకు శాసనసభ స్పీకర్ పోచారం శ్రీనివాస్ రెడ్డి, సీఎం కేసీఆర్‌ను ప్రత్యేకంగా కలిసి ఆహ్వానించారు. సీఎం కేసీఆర్ సుముఖత వ్యక్తం చేయడంతో షెడ్యూల్ ఖరారు అయినట్లు తెలుస్తుంది.

సీఎం పర్యటన సందర్భంగా ఆలయ కమిటీ సభ్యులు ప్రత్యేక ఏర్పాట్లు చేస్తున్నారు. ఏర్పాట్లను మాజీ జెడ్పీటీసీ ద్రోణ వల్లి సతీష్ దగ్గరుండి పర్యవేక్షిస్తున్నారు. ఇప్పటివరకు రూ.13 కోట్ల రూపాయలతో వివిధ అభివృద్ధి కార్యక్రమాలు కొనసాగుతున్నాయి. ఆంధ్ర తిరుపతి మాదిరిగానే తెలంగాణ తిరుపతిని తీర్చిదిద్దుతున్నారు. భక్తులకు ఎలాంటి అసౌకర్యం కలగకుండా ఏర్పాట్లను చేస్తున్నారు. తెలంగాణ తిరుపతి‌కి సీఎం రానుండటంతో భక్తులు హర్షం వ్యక్తం చేస్తున్నారు.