ఎమ్మెల్యే సాయన్న పార్థీవదేహానికి సీఎం కేసీఆర్ నివాళులు..
సికింద్రాబాద్ కంటోన్మెంట్ ఎమ్మెల్యే జి.సాయన్న (72) అనారోగ్యంతో చికిత్స పొందుతూ ఆదివారం మృతి చెందారు.
దిశ, ముషీరాబాద్: సికింద్రాబాద్ కంటోన్మెంట్ ఎమ్మెల్యే జి.సాయన్న (72) అనారోగ్యంతో చికిత్స పొందుతూ ఆదివారం మృతి చెందారు. విషయం తెలుసుకున్న ముఖ్యమంత్రి కేసీఆర్ ముషీరాబాద్ నియోజకవర్గం అశోక్‌న‌గ‌ర్‌లోని సాయన్న నివాసానికి వచ్చారు. ఈ సందర్భంగా కేసీఆర్ సాయన్న పార్థీవదేహానికి నివాళులర్పించి సాయన్నతో తనకున్న అనుభవాలను గుర్తు చేశారు.
ఈ సందర్భంగా సాయన్న భార్య గీత, కూతుళ్లు నమ్రత, నివేదిత, లాస్య నందితలను కలిసి కేసీఆర్ ఓదార్చారు. తన ప్రగాఢ సంతాపాన్ని తెలియచేశారు. కేసీఆర్ తో పాటు మంత్రులు హరీష్ రావు, మల్లారెడ్డి, తలసాని శ్రీనివాస్, ఎర్రబెల్లి దయాకర్ రావు, ఎమ్మెల్యేలు ముఠా గోపాల్, కాలేరు వెంకటేష్, టీడీపీ రాష్ట్ర అధ్యక్షుడు కాసాని జ్ఞానేశ్వర్, కంభంపాటి రామ్మోహన్ రావు, డిప్యూటీ మేయర్ మోతె శ్రీలత తదితర నేతలు నివాళులర్పించారు.