ఆర్మూర్‌లో భారీగా ఛత్రపతి శివాజీ బైక్ ర్యాలీ

దిశ ఆర్మూర్ : ఆర్మూర్ మున్సిపల్ పరిధిలోని గోల్ బంగ్లా నుంచి పెర్కిట్ చౌరస్తా మీదుగా తిరిగి గోల్ బంగ్లా వరకు ఆదివారం రాత్రి నిర్వహించిన బైక్ ర్యాలీ ఘనంగా జరిగింది. ఆర్మూర్ లో 12 ఫీట్ల శివాజీ మహారాజ్ ఉత్సవ విగ్రహంతో నిర్వహించిన బైక్ ర్యాలీకి ఆర్మూర్ పట్టణంలోని యువకులు స్వచ్ఛందంగా భారీగా తరలి రావడంతో బైక్ ర్యాలీ విజయవంతమైంది. శివాజీ బైక్ ర్యాలీ సమయంలో ఆర్మూర్ పట్టణంలోని ప్రధాన రోడ్లన్నీ శివాజీ మహారాజ్ నినాదాలతో మార్మోగాయి.

ఆదివారం రాత్రి ఆర్మూర్ ప్రధాన రోడ్లపై నిర్వహించిన శివాజీ బైక్ ర్యాలీ లో భారీ స్థాయిలో బైక్లతో యువత స్వచ్ఛందంగా పాల్గొనగా బైక్ ర్యాలీలో ఎలాంటి అపశ్రుతి దొర్లకుండా ఆర్మూర్ ఎస్‌హెచ్‌ఓ సురేష్ బాబు, ఎస్సై రాములు బైక్ ర్యాలీ వెంబట కాలినడకన పరిగెత్తుతూ పర్యవేక్షించారు. ఈ కార్యక్రమంలో బీజేపీ నాయకులు పొద్దుటూరు వినయ్ కుమార్ రెడ్డి, అల్జాపూర్ శ్రీనివాస్, పల్లె గంగారెడ్డి, లైన్స్ క్లబ్ ఆఫ్ నవరాథపురం అధ్యక్షులు గుజరాతి నివేదన్ తదితరులు పాల్గొన్నారు.