Car Accedent: బంజారాహిల్స్ రోడ్ నం.2 లో కారు బీభత్సం

దిశ, డైనమిక్ బ్యూరో: హైదరాబాద్ బంజారాహిల్స్ లో కారు బీభత్సం సృష్టించింది. పార్కింగ్ లో ఉన్న కారు, ఆటోను ఢీ కొట్టి పల్టీలు కొట్టింది. ఈ ప్రమాదంలో డ్రైవర్ సహా మరో నలుగురికి గాయాలయ్యాయి. బంజారాహిల్స్ రోడ్ నం.2 లోని కాంప్లెక్స్ లో ఓ కారు పార్క్ చేసి ఉన్న కారు, ఆటో మీదికి దూసుకెళ్లింది. ప్రమాద సమమంలో కారులో డ్రైవర్ తో పాటు మరో కుటుంబంలోని భార్యభర్త ఇద్దరు పిల్లలు ఉన్నారు. వీరంతా శంషాబాద్ నుంచి బంజారాహిల్స్ మీదుగా చిలకలగూడ వెళుతుండగా ఈ ఘటన చోటుచేసుకుంది. ప్రమాదంలో డ్రైవర్ కి తీవ్ర గాయాలు కాగా.. కుటుంబంలోని నలుగురు వ్యక్తులు స్వల్ప గాయాలతో బయటపడ్డారు. ఘటనలో గాయపడిన వారిని స్థానికులు దగ్గరలోని ఆసుపత్రికి తరలించారు. ప్రమాదంలో పల్టికొట్టిన కారుతో పాటు పార్కింగ్ లో ఉన్న కారు, ఆటో నుజ్జునుజ్జు అయ్యాయి. సమాచారం అందుకున్న పోలీసులు సంఘటన స్థలానికి చేరుకున్నారు. ఘటనకు కారణం డ్రైవర్ నిద్రమత్తులో ఉన్నాడా? లేక మద్యం సేవించి కారు నడుపుతున్నాడా? అనే కోణంలో ఆరా తీస్తు్న్నారు. ప్రమాదంపై కేసు నమోదు చేసుకొని దర్యాప్తు చేపట్టారు.