BREAKING: శంషాబాద్ ఎయిర్‌పోర్టు దారిలో ఏబీవీపీ మెరుపు ధర్నా.. భారీగా ట్రాఫిక్ జామ్

దిశ, వెబ్‌డెస్క్: పెండింగ్ స్కాలర్‌షిప్‌లు వెంటనే విడుదల చేయాలని డిమాండ్ చేస్తూ ఏబీవీపీ నాయకులు, విద్యార్థులతో కలిసి మెరుపు ధర్నా చేపట్టారు. ఈ మేరకు శంషాబాద్ ఎయిర్‌పోర్టు ప్రధాన రహదారిలో ఏబీవీపీ ఆధ్వర్యంలో సుమారు 2 వేల మంది విద్యార్థినీ, విద్యార్థులు రోడ్డుపై బైఠాయించారు. పెండింగ్ స్కాలర్‌షిప్‌లు వెంటనే విడుదల చేయాలని.. ప్రభుత్వానికి వ్యతిరేకంగా నినాదాలు చేశారు. వెంటనే తమ సమస్యలు పరిష్కరించాలని డిమాండ్ చేశారు. ఈ క్రమంలో ఎయిర్‌పోర్టుకు వెళ్లే రహదారి కావడంతో భారీగా ట్రాఫిక్ జామ్ అయింది. దీంతో రంగంలోకి దిగిన పోలీసులు, విద్యార్థులను ధర్నా విరమించాలని కోరగా వారి మధ్య వాగ్వాదం చోటుచేసుకుంది. అతి కష్టం మీద పోలీసులు ట్రాఫిక్‌ను క్లియర్ చేసేందుకు ప్రయత్నిస్తున్నారు.