ఇంటర్ విద్యార్థులకు శుభవార్త.. బోర్డు కీలక నిర్ణయం

దిశ, వెబ్ డెస్క్: తెలంగాణ ఇంటర్ బోర్డు(Telangana Inter Board) కీలక నిర్ణయం తీసుకుంది. విద్యార్థులపై ఒత్తిడి తగ్గించేందుకు సమావేశం నిర్వహించి బోర్డు అధికారులు.. ఈ మేరకు సిలబస్ తగ్గించాలని నిర్ణయం తీసుకున్నారు. NCERT సిలబస్ ను దృష్టిలో పెట్టుకొని.. సైన్స్ సహా.. అన్ని సబ్జెక్టుల్లో సిలబస్‌(Syllabus)ను తగ్గించనుంది. కాగా ఈ సిలబస్ కుదింపు నిర్ణయం.. 2026-27 విద్యా సంవత్సరం(academic year) నుంచి ఫస్ట్ ఇయర్, సెకండ్ ఇయర్‌లో అమలు చేయనున్నారు. తాజా నిర్ణయంతో.. కెమిస్ట్రీలో 30 శాతం, ఫిజిక్స్ లో 15 శాతం, జువాలజీలో 5-10 శాతం వరకు సిలబస్ తగ్గించేందుకు ప్రణాళికలు సిద్ధం చేసినట్లు సమాచారం అందుతుంది. సిలబస్ కుదింపు నిర్ణయం అమల్లోకి వస్తే.. సైన్స్ విద్యార్థులలో ఒత్తిడి తీవ్రత తగ్గడంతో పాటుగా.. పాస్ పర్సంటేజ్ కూడా భారీగా పెరిగే అవకాశం ఉన్నట్లు విశ్లేషకులు అంచనా వేస్తున్నారు.