ఒలింపిక్ విజేత దీప్తి చిరకాల కోరిన నెరవేర్చిన మెగాస్టార్ చిరంజీవి

దిశ, వెబ్‌డెస్క్: ఒలింపిక్ విజేత దీప్తి జీవాంజి(Deepti Jeevanji)ని మెగాస్టార్ చిరంజీవి(Megastar Chiranjeevi) సన్మానించారు. ఆమెకు రూ.3 ల‌క్షల చెక్‌ను అందజేశారు. ఈ విషయన్ని ఇండియన్ బాడ్మింటన్ చీఫ్ కోచ్ పుల్లెల గోపీచంద్(Pullela Gopichand) తెలియజేశారు. శుక్రవారం ఆయన మాట్లాడుతూ.. ‘వ‌రంగ‌ల్‌లోని ఓ చిన్న గ్రామంలో పుట్టి పెరిగిన ఆమె దేశానికెంతో పేరుని తెచ్చారు. ఒలింపిక్స్‌లో మెడ‌ల్ సాధించిన సంద‌ర్భంగా మీకేం కావాల‌ని నేను ఆమెను అడిగిన‌ప్పుడు, చిరంజీవిని క‌ల‌వాల‌నుంద‌ని చెప్పారు. ఇటీవ‌ల నేను చిరంజీవిని ఓ సంద‌ర్భంలో క‌లిసిన‌ప్పుడు దీప్తి జ‌వాంజి గురించి చెప్పాను. ఆయ‌న చాలా గొప్ప మ‌న‌సుతో స్పందించారు. చాలా పెద్ద అచీవ్‌మెంట్ చేసిన‌ప్పుడు, ఆమె రావ‌టం కాదు, నేను అకాడ‌మీకి వ‌స్తాన‌ని అన్నారు. అన్న‌ట్లుగానే చిరంజీవి మా అకాడ‌మీకి వ‌చ్చి, అక్క‌డున్న పిల్ల‌లంద‌రినీ క‌లిశారు. రెండు గంట‌ల పాటు అక్క‌డే గ‌డిపారు. అలాగే ప్ర‌తీ ఒక్క ప్లేయ‌ర్‌ని ఇన్‌స్పైర్ చేసే విధంగా మాట్లాడారు. ఇదే సంద‌ర్భంలో ఆయ‌న మూడు ల‌క్ష‌ల రూపాయ‌ల చెక్‌ను దీప్తికి అందించటం అనేది మాకెంతో సంతోషాన్నిచ్చింది. ఇది మా స్పోర్ట్స్ ప‌ర్స‌న్స్‌కి చిరంజీవి ఇచ్చిన గొప్ప గౌర‌వంగా నేను భావిస్తాను. ఈ ఇన్‌స్పిరేష‌న్‌తో చాలా మంది మ‌రిన్ని ఉన్న‌త శిఖ‌రాల‌ను అధిరోహిస్తార‌ని నేను భావిస్తున్నాను’ అని పుల్లెల గోపీచంద్‌ అన్నారు.