లోక్‌సభ ఎన్నికలపై కిషన్ రెడ్డి జోస్యం.. తెలంగాణలో వచ్చే సీట్లు ఎన్నంటే?

దిశ, వెబ్‌డెస్క్: లోక్‌సభ ఎన్నికల్లో బీజేపీ బంపర్ మెజార్టీతో గెలవబోతోందని, హ్యాట్రిక్ కొట్టి మరోసారి మోడీ ప్రధాని కాబోతున్నారని బీజేపీ తెలంగాణ రాష్ట్ర అధ్యక్షుడు కిషన్ రెడ్డి ధీమా వ్యక్తం చేశారు. మంగళవారం నాంపల్లిలో బీజేపీ కార్యాలయంలో కిషన్ రెడ్డి మీడియా సమావేశం నిర్వహించారు. ఈ సందర్భంగా ఆయన మాట్లాడుతూ.. తెలంగాణలో బీజేపీకి మెజార్టీ స్థానాలు వస్తాయని చెప్పారు. మొన్న జరిగిన ఐదు రాష్ట్రాల అసెంబ్లీ ఎన్నికలను సెమీ ఫైనల్‌గా తీసుకున్నామని అన్నారు. ఐదు రాష్ట్రాల్లోనూ బీజేపీపై దుష్ప్రచారం చేసి రాజకీయలంగా లబ్ధిపొందాలని చూశారు. కానీ, ప్రజలు సరిగ్గా బుద్ధి చెప్పారని ఎద్దేవా చేశారు. ప్రధాని మోడీ నాయకత్వంలో దేశం అభివృద్ధి చెందుతోందని ప్రజలు నమ్ముతున్నారని, అందుకే లోక్‌సభ ఎన్నికల్లో అందరూ బీజేపీ వైపే ఉన్నారని చెప్పారు.