కేసీఆర్ కాంగ్రెస్కు స్పాన్సర్ చేస్తున్నాడు.. బీజేపీ రాష్ట్ర చీఫ్ బండి సంజయ్

దిశ, వెబ్ డెస్క్: సీఎం కేసీఆర్ కాంగ్రెస్ పార్టీకి స్పాన్సర్ చేస్తున్నారని బీజేపీ రాష్ట్ర అధ్యక్షుడు బండి సంజయ్ ఆరోపించారు. ఈ మేరకు ఆయన ట్వీట్ చేశారు. వచ్చే ఎన్నికల్లో కాంగ్రెస్ కు డిపాజిట్లు వచ్చే పరిస్థితి లేదని.. కనీసం అభ్యర్థులు దొరికే పరిస్థితి లేదని అన్నారు. అందుకు సీఎం కేసీఆర్ కాంగ్రెస్ పార్టీని లేపేందుకు ప్రయత్నిస్తున్నారని విమర్శించారు. రాబోయే ఎన్నికల్లో బీఆర్ఎస్, కాంగ్రెస్ పార్టీలు కలిసి పోటీ చేస్తాయని ఆ పార్టీ నేతలే చెబుతున్నారని అన్నారు. పార్లమెంటులో బీజేపీని అడ్డుకునేందుకు కాంగ్రెస్, బీఆర్ఎస్ ఎంపీలు కలిసి పని చేస్తున్నారని చెప్పారు. బీఆర్ఎస్ ఓడిపోతుందని తెలిసి కేసీఆర్ 30 మంది కాంగ్రెస్ అభ్యర్థులను ఎంపిక చేసి, వారికి డబ్బులు ఇస్తున్నారని ఆరోపణలు గుప్పించారు.