నిజామాబాద్‌లో సందడి చేసిన 'బలగం' మూవీ టీమ్
విజయ్ థియేటర్‌లో బలగం మూవీ ప్రీ రిలీజ్ షోను మంగళవారం ఎస్‌వి‌సి క్రియేషన్స్ అధినేత, నిర్మాత దిల్ రాజు ప్రారంభించారు.
దిశ, నిజామాబాద్ సిటీ : విజయ్ థియేటర్‌లో బలగం మూవీ ప్రీ రిలీజ్ షోను మంగళవారం ఎస్‌వి‌సి క్రియేషన్స్ అధినేత, నిర్మాత దిల్ రాజు ప్రారంభించారు. అంతకు ముందు నర్సింగ్ పల్లి గ్రామం ఇందూరు తిరుమల ఆలయం నుంచి ట్రాక్టర్‌లో మూవీ టీమ్ హీరో దర్శిత్, హీరోయిన్ కావ్య, నిర్మాతలు హర్షిత్ రెడ్డి, హన్షిత, డైరెక్టర్ టిల్లు వేణు ఎల్దండి, రచ్చ రవి, మూవీ టీమ్ ర్యాలీ గా వచ్చి సందడి చేశారు.
ప్రీ రిలీజ్ సమయంలో అభిమానులు హీరో, హీరోయిన్, నిర్మాతలతో సెల్ఫీ‌లు దిగుతూ సంబరపడ్డారు. ఈ సందర్బంగా నిర్మాత దిల్ రాజు మాట్లాడుతూ.. అందరూ సినిమా చూడాలని నిజామాబాద్ విజయ్ థియేటర్‌లో ఈ ప్రీ రిలీజ్ షో ఏర్పాటు చేశామన్నారు. నిజామాబాద్ సినీ ప్రేమికులతో మా టీమ్ సినిమా చూడటం ఆనందంగా ఉందన్నారు. గ్రామీణ నేపథ్యంలో తెరకెక్కిన మూవీ చూసి కామెడీని అభిమానులు బాగా ఎంజాయ్ చేశారన్నారు. కాసర్ల శ్యాం రాసిన ఊరు పాట, బీమ్స్ సిసిరోలియో సంగీతం ఉర్రూతలూగించింది.
ప్రత్యేక ఆకర్షణగా ఆర్ నారాయణ మూర్తి..
బలగం ఫ్రీ రిలీజ్ ఓపెనింగ్ షోకి సినీ నిర్మాత, దర్శకులు ఆర్. నారాయణ మూర్తి విచ్చేసారు. నారాయణ మూర్తి‌ని చూడగానే సినిమా థియేటర్‌లో ఉన్న అభిమానులు ఫోటోల కోసం ఎగబడ్డారు. నారాయణ మూర్తి అందరితో ఆప్యాయతగా మాట్లాడి ఫోటో దిగారు.