మోర్తాడ్‌లో ‘బలగం’ మూవీ ప్రదర్శన

దిశ, వెబ్‌డెస్క్: ఎలాంటి అంచనాలు లేకుండా విడుదలై బాక్సాఫీస్ దగ్గర బలగం మూవీ కాసుల వర్షం కురిపిస్తోంది. ప్రముఖ కమెడియన్ వేణు దర్శకత్వం వహించిన ఈ సినిమా తెలంగాణ సంస్కృతి, పల్లెటూరి పచ్చదనాన్ని, మానవ బంధాల పరిమళాన్ని వెండి తెరపై కళ్లకు కట్టినట్లు డైరెక్టర్ చూయించారు. రెండు రాష్ట్రాల్లో ఈ సినిమా ఇప్పటి వరకు రూ.25 కోట్లకు పైగా వసూళ్లు సాధించింది.

అయితే థియేటర్లలో చూడటం వీలు కాని వారి కోసం గ్రామాలలో ఈ సినిమాను ప్రదర్శిస్తున్నారు. అందులో భాగంగానే నిజామాబాద్ జిల్లా మోర్తాడ్ మండల కేంద్రంలో ఏప్రిల్ 3న సోమవారం రాత్రి 7:30 గంటలకు బలగం మూవీని గ్రామాభివృద్ధి కమిటీ ఆధ్వర్యంలో ప్రదర్శించనున్నారు. మోర్తాడ్‌లోని రథం దగ్గర ఈ సినిమాను ప్రదర్శించనున్నారు. అందరూ తప్పక హాజరై సినిమాను వీక్షించాలని మోర్తాడ్ గ్రామాభివృద్ధి కమిటీ కోరింది.