నడ్డా సమక్షంలో బీజేపీలో చేరిన ఏలేటి మహేశ్వర్ రెడ్డి

దిశ, వెబ్‌డెస్క్: కాంగ్రెస్ పార్టీకి రాజీనామా చేసిన ఏలేటి మహేశ్వర్ రెడ్డిబీజేపీ జాతీయ అధ్యక్షుడు జేపీ నడ్డా సమక్షంలో బీజేపీలో చేరారు. గురువారం కాంగ్రెస్ పార్టీకి రాజీనామా చేసిన అనంతరం ఢిల్లీ నడ్డాను కలిశారు. అనంతరం కాషాయ కండువా కప్పుకున్నారు. ఈ కార్యక్రమంలో పార్టీ తెలంగాణ రాష్ట్ర వ్యవహారాల ఇన్‌చార్జి తరుణ్ చుగ్, అధ్యక్షుడు బండి సంజయ్, ఈటల రాజేందర్, కోమటిరెడ్డి రాజగోపాల్ రెడ్డి పాల్గొన్నారు. అంతకుముందు తన రాజీనామా లేఖను కాంగ్రెస్ కాంగ్రెస్ పార్టీ జాతీయ అధ్యక్షుడు మల్లిఖార్జున ఖర్గేకు పంపించారు. అనంతరం మీడియాతో మాట్లాడుతూ.. చాలామంది నాయకులు కూడా కాంగ్రెస్ పార్టీని వీడి బీజేపీలో చేరతారని చెప్పారు. తెలంగాణలో బీజేపీ అధికారంలోకి వస్తుందని సంచలన వ్యాఖ్యలు చేశారు. కాగా, ఏలేటి మహేశ్వర్ రెడ్డి బీజేపీలో చేరిక వెనుక ఈటల రాజేందర్ కీలక పాత్ర పోషించినట్లు తెలుస్తోంది.