మృతి చెందుతున్న పశువులు.. వైద్యులు ఎక్కడ..

దిశ, చింతలమానేపల్లి : కొమరం భీం ఆసిఫాబాద్ జిల్లా చింతలమానేపల్లి మండలంలోని బాలాజీ అనుకోడ గ్రామానికి చెందిన గుస్సా భీమయ్యకు చెందిన మూడు మేకలు సోమవారం అంతుచిక్కని వ్యాధితో అరగంట వ్యవధిలో మూడు మృతి చెందినట్లు బాధితులు తెలిపారు. పిట్టలు రాలినట్టు మేకలు మృతి చెందుతుంటే పశు వైద్యులు మాత్రం పట్టించుకోవడంలేదని, పశువులు మృతి చెందుతున్నా కూడా పట్టించుకోని నాధుడే లేరని గ్రామస్తులు ఆవేదన వ్యక్తం చేస్తున్నారు. పాలకులు, అధికారులు స్పందించి నష్టపరిహారం చెల్లించాలని, పశు వైద్యులను నియమించాలని గ్రామస్తులు కోరారు.