బీఆర్ఎస్ పాలనలో ఇంటింటికి సంక్షేమ పథకాలు

దిశ, తాండూర్ : బీఆర్ఎస్ పాలనలో ఇంటింటికి సంక్షేమ పథకాలు అందాయని బెల్లంపల్లి బీఆర్ఎస్ పార్టీ ఎమ్మెల్యే అభ్యర్థి దుర్గం చిన్నయ్య అన్నారు. మండలంలోని బోయపల్లి, చౌటపల్లి, బోయపల్లి బోర్డు, మాదారం 3 ఇంక్లైన్, నర్సాపూర్, బెజ్జాల, అబ్బాపూర్ గ్రామాల్లో బుధవారం పార్టీ శ్రేణులతో కలిసి ఎమ్మెల్యే ఇంటింటా ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ తెలంగాణలో సీఎం కేసీఆర్ ఎన్నో సంక్షేమ పథకాలు అమలు చేశారని అన్నారు.

బీఆర్ఎస్ మేనిఫెస్టోను ప్రజలకు ఎమ్మెల్యే వివరిస్తూ ప్రచారం చేశారు. ప్రజలు ఆశీర్వదించి కారు గుర్తుకు ఓటు వేసి మూడోసారి ఎమ్మెల్యేగా గెలిపించాల కోరారు. అందరికీ అందుబాటులో ఉండి గ్రామాలను మరింత అభివృద్ధి చేస్తానన్నారు. కాంగ్రెస్, బీజేపీ నాయకులు మోసపూరిత మాటలు నమ్మ వద్దని సూచించారు. ఈ కార్యక్రమంలో ఎంపీపీ ప్రణయ్ కుమార్, జెడ్పీటీసీ బానయ్య, బుగ్గ దేవాలయం కమిటీ చైర్పర్సన్ శ్రీదేవి, నాయకులు బోడ సతీష్, శ్రీనివాస్, రాజేశం తదితరులు పాల్గొన్నారు.