పత్తి కొనుగోలు కేంద్రాలు ప్రారంభించిన బోథ్ ఎమ్మెల్యే అనిల్ జాదవ్..

దిశ, బోథ్ : బోథ్ (సోనాల) మండలంలోని సోనాల గ్రామంలో గల శ్రీ గురు సాహెబ్ చందా జిన్నింగ్ లో సీసీఐ ద్వారా పత్తి కొనుగోలు కేంద్రాన్ని బోథ్ ఎమ్మెల్యే అనిల్ జాదవ్ ముఖ్యఅతిథిగా హాజరై ప్రారంభించారు. ఈ సందర్భంగా రైతును శాలువాతో సన్మానించి పత్తితో వచ్చిన ఎడ్ల బండికి పూజ చేశారు. అనంతరం ఆయన మాట్లాడుతూ రైతులకు తేమ విషయంలో అధికారులు సహకరించాలని అన్నారు. ఈ సందర్భంగా సీసీఐ అధికారులు బోథ్ ఎమ్మెల్యే అనిల్ జాదవ్ ను సన్మానించారు. ఈ కార్యక్రమంలో వివిధ మండలాల నాయకులు, కార్యకర్తలు, అధికారులు, రైతులు పాల్గొన్నారు.