డిగ్రీ కాలేజీల్లో 544 పోస్టుల భర్తీపై TSPSC కీలక ప్రకటన

దిశ, డైనమిక్ బ్యూరో: టీఎస్పీఎస్సీ కీలక ప్రకటన విడుదల చేసింది. కళాశాల విద్యాశాఖ కింద డిగ్రీ కాలేజీల్లో మొత్తం 544 ఉద్యోగాల భర్తీకి డిసెంబరు 31న నోటిఫికేషన్ విడుదల చేసిన సంగతి తెలిసిందే. ఇందుకు సంబంధించిన దరఖాస్తు ప్రక్రియ జనవరి 31న ప్రారంభంకావాల్సి ఉండగా.. ఫిబ్రవరి 15కు వాయిదా వేశారు. తాజాగా మరోసారి దరఖాస్తు ప్రక్రియను వాయిదా వేసినట్లు పబ్లిక్ సర్వీస్ కమిషన్ తెలిపింది. మార్చి 20వ తేదీ నుంచి ఇందుకు సంబంధించిన దరఖాస్తు ప్రక్రియను ప్రారంభించనున్నట్లు ప్రకటించింది. ఈ మేరకు తాజాగా పబ్లిక్ సర్వీస్ కమిషన్ ప్రకటన విడుదల చేసింది. మే లేదా జూన్‌లో ఇందుకు సంబంధించిన నియామక పరీక్ష నిర్వహించే అవకాశం ఉన్నట్లు తెలుస్తోంది.