రేపు గాంధీ భవన్‌లో టీ కాంగ్రెస్ కీలక సమావేశం.. 119 నియోజకవర్గాల నుంచి నేతలు హాజరు
తెలంగాణలో పోలింగ్‌కు సమయం దగ్గర పడుతోంది. మరో కొద్ది రోజులు
దిశ, వెబ్‌డెస్క్: తెలంగాణలో పోలింగ్‌కు సమయం దగ్గర పడుతోంది. మరో కొద్ది రోజులు మాత్రమే పోలింగ్‌కు టైమ్ ఉంది. పోలింగ్‌కు 48 గంటల ముందు ప్రచారానికి తెరపడనుంది. దీంతో పార్టీలన్నీ ప్రచారాన్ని షురూ చేశాయి. బీఆర్ఎస్ ముందు నుంచే ప్రచారాన్ని మొదలుపెట్టగా.. కాంగ్రెస్ కూడా ప్రచారాన్ని ముమ్మరం చేసింది. ఈ క్రమంలో ప్రచారాన్ని మరింత వేగవంతం చేయాలని కాంగ్రెస్ భావిస్తోంది. అందులో భాగంగా రేపు గాంధీభవన్‌లో శిక్షణ కార్యక్రమం నిర్వహించనుంది.
బూత్ స్థాయిలో ఎన్నికల ప్రచారంపై శిక్షణ ఇవ్వనుంది. 3వ తేదీన ఉదయం 11.30 గంటల నుంచి మధ్యాహ్నం 2.30 గంటల వరకు ఈ ట్రైనింగ్ కార్యక్రమం జరగనుంది. ఈ కార్యక్రమానికి రేవంత్ రెడ్డి, మాణిక్ రావు ఠాక్రే, భట్టి విక్రమార్క కూడా హాజరుకానున్నారు. 119 అసెంబ్లీ నియోజకవర్గాల నుంచి 500 మంది వరకు ఈ కార్యక్రమంలో పాల్గొననున్నారు.