మీకు స్పామ్ కాల్స్, ఎస్ఎంఎస్ లు ఎక్కువగా వస్తున్నాయా.. ? అయితే ఇలా చేయండి

దిశ, ఫీచర్స్ : TRAI కఠినంగా ఉన్నప్పటికీ, స్పామ్ కాల్స్, నకిలీ ఎస్ఎంఎస్ ల సమస్య మాత్రం భారత్ లో ఇంకా కొనసాగుతూనే ఉంది. ఎక్కడికి వెళ్లినా, ఏ పనిలో ఉన్నా ఈ కాల్స్, ఎస్ఎంఎస్ ల బాధ మాత్రం తప్పడం లేదు. మీరు కూడా స్పామ్ కాల్స్, నకిలీ SMS లతో బాధపడుతున్నారా. అయితే వెంటనే ఈ యాప్‌లను ఇన్‌స్టాల్ చేసుకుని ఈ సమస్య నుండి బయటపడండి.

దీని కోసం మీరు పెద్దగా శ్రమించనవసరం లేదు. మీరు Google Play Store లేదా App Storeకి వెళ్లి TRAI యాప్‌ను ఇన్‌స్టాల్ చేసి మీ స్మార్ట్‌ఫోన్‌లో యాక్టివేట్ చేసుకోవాలి. దీని ద్వారా మీరు స్పామ్ కాల్స్, SMSల బాధ నుంచి తప్పించుకోవచ్చు.

TRAI DND 3.0 వివరాలు

TRAI DND 3.0 యాప్ స్పామ్ కాల్‌లు, సందేశాలను రాకుండా ఉండేందుకు ఆపుతుంది. ఈ యాప్‌ను TRAI (టెలికాం రెగ్యులేటరీ అథారిటీ ఆఫ్ ఇండియా) అభివృద్ధి చేసింది. మీరు ఈ యాప్‌ని ఉపయోగించాలనుకుంటే, మీరు దీన్ని Google Play Store లేదా App Store నుండి మీ మొబైల్ లో ఇన్‌స్టాల్ చేసుకోవచ్చు.

TRAI DND 3.0 యాప్ ఎలా యాక్టివేట్ చేసుకోవాలి..

మీ స్మార్ట్‌ఫోన్‌లో Google Play Store లేదా Apple App Store నుండి TRAI DND 3.0 యాప్‌ని డౌన్‌లోడ్ చేసి, ఇన్‌స్టాల్ చేయండి.

యాప్‌ను తెరిచి, మీ మొబైల్ నంబర్‌ను నమోదు చేయండి.

మీ మొబైల్ నంబర్‌కు పంపిన OTPని ఎంటర్ చేయండి.

తరువాత సైన్ ఇన్ చేయండి.

మీరు సైన్ ఇన్ చేసిన తర్వాత, మీ నంబర్ DND జాబితాలో జోడించబడుతుంది. ఇప్పుడు మీ నంబర్‌కు వచ్చే అవాంచిత కాల్స్, సందేశాలు బ్లాక్ చేయబడతాయి.

TRAI DND 3.0 యాప్ ఫీచర్లు

మీరు మీ DNDలో స్పెసిఫికేషన్‌లను సెట్ చేయవచ్చు. ఉదాహరణకు, మీరు ప్రత్యేక వ్యాపార కాల్‌లు, సందేశాలను మాత్రమే స్వీకరించాలనుకుంటున్నారా అని మీరు ఎంచుకోవచ్చు.

మీరు అవాంఛిత కాల్స్, సందేశాల గురించి ఫిర్యాదు చేయవచ్చు.

మీరు మీ DND ఫిర్యాదుల స్థితిని తనిఖీ చేయవచ్చు.

TRAI DND 3.0 యాప్‌ని ఉపయోగించడం వల్ల కొన్ని ప్రయోజనాలు

అవాంఛిత కాల్స్, సందేశాలు రాకుండా ఈ యాప్ మీకు సహాయపడుతుంది.