ఆ విషయంలో… బీజేపీ మాటిచ్చింది

దిశ, వెబ్‌డెస్క్: ఏపీ టీడీపీ నేత, మాజీ మంత్రి యనమల రామకృష్ణుడు రాజధాని అంశంపై స్పందించాడు. గురువారం ఆయన బీజేపీకి పలు సూచనలు చేశారు. అమరావతి రాజధానికి భూములు ఇచ్చిన రైతులకు సహకరిస్తానని బీజేపీ మాటిచ్చిందని గుర్తుచేశారు. ప్రస్తుత వారి సమస్యల పరిష్కారానికి కేంద్రం చొరవ చూపాలని డిమాండ్ చేశారు.

రైతులను, రాష్ట్రాన్ని గట్టెక్కించాల్సింది కేంద్రమేనని అన్నారు. ఆర్టికల్ 355 (సి) మేరకు కేంద్రం జోక్యం చేసుకొని, వెంటనే సమస్యను పరిష్కరించాలని కోరారు. మూడు రాజధానుల అంశంపై.. వైసీపీ ప్రభుత్వం చట్టం కూడా తీసుకొచ్చిందని, దీనీపై టీడీపీ ముమ్మర పోరాటం చేస్తోంది. చంద్రబాబు సహా ఇతర టీడీపీ నేతలు తమ విమర్శల్లో పదును పెంచారు.