వైద్యం చేసిన టీడీపీ నేత 

దిశ, వెబ్ డెస్క్: నరసరావుపేట నియోజకవర్గ టీడీపీ ఇంచార్జ్ డాక్టర్ చదలవాడ అరవింద్ బాబు మానవత్వం చాటుకున్నారు. రోడ్డు ప్రమాదంలో గాయపడినవారికి వైద్యం అందించి ఆసుపత్రికి తరలించారు. వివరాల్లోకి వెళితే రావిపాడు-మాచవరం రహదారిపై సోమవారం రోడ్డు ప్రమాదం జరిగింది. ఆర్టీసీ బస్సు బైక్ ని ఢీకొనడంతో.. బైక్ పై వెనక కూర్చున్న మహిళకు తీవ్ర గాయాలయ్యాయి. అదే సమయంలో అటుగా వెళ్తున్న అరవింద్ బాబు క్షతగాత్రులను గమనించి కారు నుండి దిగి వారి వద్దకు వెళ్లారు. స్వతహాగా డాక్టర్ కావడంతో వారికి ప్రథమ చికిత్స అందించి క్షతగాత్రులను వెంటనే అంబులెన్సులో నరసరావుపేట ఆసుపత్రికి తరలించారు.