లండన్‌లో తమిళ్ ఫ్యామిలీ అనుమానాస్పద మృతి..
దిశ, వెబ్‌డెస్క్ : తమిళనాడుకు చెందిన ఒకే కుటుంబంలోని ముగ్గురు సభ్యులు లండన్‌లోని బ్రెంట్‌ఫోర్డ్‌లో అనుమానాస్పదంగా మృతిచెందారు. ప్రస్తుతం ఈ విషయం అక్కడ కలకలం రేపుతోంది. మూడేళ్ల బాలుడితో పాటు అతని తల్లిదండ్రుల మృతిపై విచారణ చేపట్టిన పోలీసులు పలు కీలక విషయాలను కనుగొన్నారు. తమిళ కుటుంబానికి చెందిన కుహరాజ్(42), పూర్ణ కామేశ్వరి (36) దంపతులు బ్రెంట్‌ ఫోర్డ్‌లో గత కొంతకాలంగా నివాసముంటున్నారు. వీరికి మూడేళ్ల కుమారుడు కైలాష్‌ ఉన్నాడు. ఈ నేపథ్యంలోనే పూర్ణ కామేశ్వరి ప్రాణాలకు ముప్పు […]
దిశ, వెబ్‌డెస్క్ : తమిళనాడుకు చెందిన ఒకే కుటుంబంలోని ముగ్గురు సభ్యులు లండన్‌లోని బ్రెంట్‌ఫోర్డ్‌లో అనుమానాస్పదంగా మృతిచెందారు. ప్రస్తుతం ఈ విషయం అక్కడ కలకలం రేపుతోంది. మూడేళ్ల బాలుడితో పాటు అతని తల్లిదండ్రుల మృతిపై విచారణ చేపట్టిన పోలీసులు పలు కీలక విషయాలను కనుగొన్నారు. తమిళ కుటుంబానికి చెందిన కుహరాజ్(42), పూర్ణ కామేశ్వరి (36) దంపతులు బ్రెంట్‌ ఫోర్డ్‌లో గత కొంతకాలంగా నివాసముంటున్నారు. వీరికి మూడేళ్ల కుమారుడు కైలాష్‌ ఉన్నాడు. ఈ నేపథ్యంలోనే పూర్ణ కామేశ్వరి ప్రాణాలకు ముప్పు ఉందని రెండ్రోజుల కిందట గుర్తు తెలియని వ్యక్తులు పోలీసులకు ఫోన్‌ చేశారు.
స్పందించిన పోలీసులు తిరిగి ఆ నెంబర్‌కు కాల్ చేయగా, రిప్లే లేదు. దీంతో ఇంటి వద్దకు చేరుకున్న పోలీసులు తలుపులు పగులగొట్టి లోనికి వెళ్లగా, అప్పటికే తల్లి, బాలుడు మృతి చెందారు.కుహరాజ్ కొనఊపిరితో కొట్టుమిట్టాడుతున్నాడు. అతన్నిఆస్పత్రికి తీసుకెళ్లే ప్రయత్నం చేస్తుండగానే ప్రాణాలు విడిచాడు. పూర్ణకామేశ్వరి, కైలాష్‌లు మృతి చెంది చాలా రోజులు గడిచి ఉంటుందని పోలీసులు అనుమానిస్తున్నారు.అయితే వారిది హత్య లేక ఆత్మహత్య అనేది పోస్టుమార్టమ్‌ రిపోర్టు వస్తేగాని చెప్పలేమని పోలీసులు చెబుతున్నారు.