బయటపడ్డ ‘పుష్ప’ లుక్.. బట్టతలతో భయంకరంగా సునిల్

దిశ, సినిమా: టాలీవుడ్‌‌లో హాస్యనటుడిగా అడుగుపెట్టిన భీమవరం బుల్లోడు సునిల్.. షార్ట్ పీరియడ్‌లోనే టాప్ మోస్ట్ కమెడియన్స్ జాబితాలో చేరిపోయాడు. ఆ తర్వాత హీరోగా ప్రమోషన్ అందుకుని అన్ని వర్గాల ప్రేక్షకులను మెప్పించాడు. అయితే తను కథానాయకుడిగా నటించిన ఒకటి రెండు సినిమాలు తప్ప మిగతావి బాక్సాఫీస్ వద్ద బోల్తా కొట్టడంతో పునరాలోచనలో పడ్డ సునిల్.. రూట్ మార్చాడు. ఈ క్రమంలోనే తనలోని మరో యాంగిల్‌‌ను పరిచయం చేస్తూ హీరో నుంచి విలన్‌గా మారిపోయిన స్టార్ కమెడియన్.. అల్లు అర్జున్ అప్‌కమింగ్ మూవీ ‘పుష్ప’లో స్ట్రాంగ్ విల‌న్‌ పాత్ర పోషిస్తున్నాడు.

బన్నీ- సుకుమార్ కాంబినేష‌న్‌లో తెర‌కెక్కుతున్న ఈ పాన్ ఇండియా మూవీలో ‘మంగ‌ళం శ్రీను’ అనే పాత్రలో క‌నిపించ‌నునున్నాడు. ఇక మూవీ యూనిట్ తాజాగా సునిల్‌ ఫస్ట్‌లుక్‌ను విడుదల చేయగా.. బ‌ట్టత‌ల‌కు తోడు భ‌యంక‌ర‌మైన ఎక్స్‌ప్రెషన్స్‌తో మాస్ లుక్‌లో దర్శనమిచ్చి అందరికీ షాక్‌ ఇచ్చాడు. కాగా బన్నీతో సుకుమార్‌‌కు ఇది హ్యాట్రిక్ ఫిల్మ్ కావడంతో ప్రేక్షకుల్లో భారీ అంచనాలు నెలకొన్న సంగతి తెలిసిందే.