ఢిల్లీలో ఓ గల్లీకి సుశాంత్ సింగ్ రాజ్‌పుత్ పేరు

దిశ, వెబ్‌డెస్క్: దివంగత బాలీవుడ్ యంగ్ హీరో సుశాంత్ సింగ్ రాజ్‌పుత్, ఎంఎస్.ధోని బయోపిక్ సినిమాలో తన నటనతో మొత్తం భారతదేశాన్ని ఆకర్షించాడు. ఆయన మృతి షాక్ నుంచి అభిమానులు ఇంకా కోలుకోలేదు. గురువారం సుశాంత్ బర్త్ డే సందర్భంగా ఫ్యాన్స్ సామాజిక కార్యక్రమాలు చేపట్టారు. ఆయన నటించిన సినిమాల్లోని క్లిప్లింగ్‌లను సోషల్ మీడియాలో షేర్ చేశారు. కాగా, ఢిల్లీలోని ఓ గల్లీకి సుశాంత్ సింగ్ రాజ్ పూత్ మార్గ్ అంటూ నామకరణం చేస్తూ స్థానిక మున్సిపల్ ఆఫీసర్లు ఆదేశాలు ఇచ్చారు.

సౌత్ ఢిల్లీలోని ఆండ్రూస్ గంజ్‌ రోడ్‌కు సుశాంత్ సింగ్ పేరు పెట్టాలని స్థానిక కాంగ్రెస్ పార్టీ కౌన్సిలర్ గతేడాది సెప్టెంబర్‌లో ప్రతిపాదించాడు. తాజాగా ఆ ప్రతిపాదనకు ఆఫీసర్లు ఓకే చెప్పారు. అధికారికంగా ఆ రోడ్డుకు రీ నేమింగ్ చేశారు. సుశాంత్ సింగ్‌ మృతి ఇండస్ట్రీకి తీరని లోటని, సినిమా లోకం ఓ ధృవ తారను కోల్పోయిందని ఇండస్ట్రీ వర్గాలు సోషల్ మీడియా వేదికగా తనతో తమకున్న జ్ఞాపకాలను గుర్తు చేసుకున్నాయి.