Tilak Varma: టాప్-3లోకి తిలక్.. ఒక్కసారిగా 69 ర్యాంకులు దాటి...

దిశ, వెబ్‌డెస్క్: టీమిండియా టాప్ ఆర్డర్ బ్యాటర్ తిలక్ వర్మ అదరగొట్టాడు. ఏకంగా టీ20 ర్యాంకింగ్స్‌లో టాప్-3కి చేరుకున్నాడు. సౌత్‌ఆఫ్రికాతో జరిగిన టీ20 సిరీస్‌లో ఏకంగా 2 సెంచరీలతో టీమిండియాని గెలిపించడమే కాకుండా మ్యాన్ ఆఫ్ ది సిరీస్‌గా తిలక్‌ వర్మ ఎంపికైన విషయం తెలిసిందే. ఈ క్రమంలోనే ఐసీసీ తాజా టీ20 ర్యాంకింగ్స్‌ని విడుదల చేయగా.. అందులో తిలక్ ఏకంగా టాప్-3లోకి వచ్చేశాడు. ఇంతకుముందు వరకు 72వ ర్యాంకులో ఉన్న తిలక్.. ఇప్పుడు ఏకంగా 3వ ర్యాంకుకు చేరుకున్నాడు. ఇక టీమిండియా స్టార్ ఆల్‌రౌండర్ హార్దిక్ పాండ్యా కూడా టీ20 ఆల్‌రౌండర్ లిస్ట్‌లో టాప్‌ ప్లేస్‌ని కైవసం చేసుకున్నాడు. 

ఇదిలా ఉంటే సౌతాఫ్రికాతో జరిగిన 4 మ్యాచ్‌ల టీ20 సిరీస్‌ను టీమిండియా 3-1 తేడాతో కైవసం చేసుకున్న విషయం తెలిసిందే. ఈ మ్యాచ్‌లలో తిలక్ వర్మ ఏకంగా రెండు సెంచరీలతో మెరవగా.. ఓపెనర్ సంజు శాంసన్ కూడా రెండు సెంచరీలు బాది కెరీర్ బెస్ట్ రికార్డ్ నెలకొల్పాడు.