ఒంటికాలితో బ్యాటింగ్ అదరగొట్టిన యువకుడు.. వీడియో వైరల్

దిశ, వెబ్‌డెస్క్: భారత్‌లో క్రికెట్‌ ఫాలోయింగే వేరు. ప్రతి గల్లీలో క్రికెట్‌కు వీరాభిమానులుంటారు. అలాంటి ఓ వీరాభిమాని బ్యాటింగ్‌ నెటిజన్లను ఔరా అనిపిస్తోంది. దివ్యాంగులు కూడా దీనికి అతీతం కాదు. తాజాగా అలాంటి ఓ వ్యక్తి క్రికెట్‌ ఆడుతున్న వీడియో వైరల్‌గా మారింది. సదరు వ్యక్తి ఒంటి కాలితో బ్యాటింగ్‌ అదరగొట్టాడు. అతడి బ్యాటింగ్‌కు నెటిజన్లు ఫిదా అయ్యారు. వైకల్యం అతడి ఉత్సాహాన్ని ఏ మాత్రం కుంగదీయలేదు. సంకల్ప బలంతో వైకల్యాన్ని ఎదిరించి తనకు ఇష్టమైన క్రికెట్‌ను ఆస్వాదిస్తున్నాడు. ప్రస్తుతం ఈ వీడియో సోషల్ మీడియాలో విపరీతంగా షేర్‌ అవుతోంది. నెటిజన్లు కూడా అతడిని ఉత్సాహపర్చేలా కామెంట్లు పెడుతున్నారు. ‘సూపర్‌ బ్రో.. ఇలానే ముందుకు సాగండి.. ఆల్ ది బెస్ట్’ ‘మీ ఆట ఎంతో మందికి ఆదర్శం’ అంటూ కామెంట్స్ చేస్తున్నారు.