అతనిలాగే బ్యాటింగ్ చేస్తున్న యువతి వీడియో వైరల్.. వైరల్ వీడియోపై సచిన్ కామెంట్

దిశ, వెబ్‌డెస్క్: టీమిండియా సంచలనం సూర్యకుమార్ యాదవ్‌లానే షాట్స్ ఆడుతున్న రాజస్థాన్‌కు చెందిన ఓ యువతి వీడియో ప్రస్తుతం సోషల్ మీడియాలో వైరల్‌గా మారింది. రాజస్థాన్‌కు చెందిన ముమల్ మెహర్ అనే యువతి క్రికెట్ ఆడుతున్న వీడియో పై భారత క్రికెట్ లెజెండ్ సచిన్ టెండూల్కర్ స్పందించాడు. నిన్న ఉమెన్స్ ప్రీమియర్ లీగ్ (డబ్ల్యూపీఎల్) వేలం జరిగిన విషయం తెలిసిందే.

దీన్ని దృష్టిలో పెట్టుకుని సచిన్ ఆ విధంగా కామెంట్ చేశారు. దీనిపై నెటిజన్లు రకరకాలుగా స్పందిస్తున్నారు. ఢిల్లీ మహిళా కమిషన్ చైర్ పర్సన్ స్వాతి మలివాల్ కూడా ఆ యువతి క్రికెట్ ఆడుతున్న వీడియో పై స్పందించారు. ఆమెకు సరైన వేదికను అందించాలని రాజస్థాన్ సీఎం అశోక్ గెహ్లాత్‌ను కోరారు.