Kharge : మహారాష్ట్ర ఎలక్షన్ రిజల్ట్స్‌పై ఖర్గే రియాక్షన్ ఇదే..!

దిశ, నేషనల్ బ్యూరో : మహారాష్ట్ర ఎన్నికల ఫలితాలను ఊహించలేదని కాంగ్రెస్ జాతీయాధ్యక్షుడు ఖర్గే అన్నారు. రెండు రాష్ట్రాల ఫలితాల అనంతరం ఆయన సోషల్ మీడియా ప్లాట్‌ఫామ్ ‘ఎక్స్’ వేదికగా శనివారం ఈ మేరకు స్పందించారు. ‘మహారాష్ట్ర ఎన్నికల ఫలితాలను ఊహించలేదు. ఫలితాలపై పార్టీ త్వరలో క్షేత్రస్థాయిలో సమీక్ష నిర్వహిస్తుంది. ఛత్రపతి శివాజీ, సాహూజీ, ఫూలే, అంబేడ్కర్ ఐడియాలజీని ముందుకు తీసుకెళ్తాం. ప్రజల సమస్యలపై పోరాటం కొనసాగిస్తాం.’ అన్నారు. ‘జార్ఖండ్‌లో ప్రజలు బీజేపీ డివైడ్ పాలిటిక్స్‌ను తిప్పికొట్టారు. ఇండియా కూటమికి అద్భుతమైన విజయం అందించిన ప్రజలకు ఖర్గే కృతజ్ఞతలు తెలిపారు. రాజ్యాంగాన్ని అపహాస్యం చేస్తున్న పార్టీలకు జార్ఖండ్‌లో చోటు లేదని ప్రజలు స్పష్టమైన సందేశం ఇచ్చారు. సామాజిక న్యాయం కోసం పోరాటం కొనసాగుతుంది. జవాబుదారీ తనంతో ప్రభుత్వం పనిచేస్తుంది.’ అన్నారు.