RCB: ఇన్‌స్టాగ్రామ్‌లో రాయల్ ఛాలెంజర్స్ బెంగళూరు సరికొత్త రికార్డు..ఆ మార్క్ దాటిన రెండో ఐపీఎల్‍ టీమ్..!

దిశ, వెబ్‌డెస్క్:ఇండియన్ ప్రీమియర్ లీగ్(IPL) చరిత్రలో ఇప్పటివరకు ఒక్క టైటిల్ కూడా గెలవని పురుషుల జట్టుగా రాయల్ ఛాలెంజర్స్ బెంగళూరు(RCB) చెత్త రికార్డు మూటగట్టుకున్న విషయం తెలిసిందే.అయితే ఆ జట్టు సోషల్ మీడియా(Social Media)లో మాత్రం ఓ రికార్డు క్రియేట్ చేసింది.ప్రముఖ సోషల్ మీడియా ప్లాట్ ఫారమ్ ఇన్‌స్టాగ్రామ్‌(Instagram)లో తన పేరిట కొత్త చరిత్రను సృష్టించింది.ఇన్‌స్టాగ్రామ్‌లో ఆ జట్టు 15 మిలియన్ల ఫాలోవర్లను చేరుకుంది.దీంతో ఇన్‍స్టాలో ఈ మార్క్ సాధించిన రెండో ఐపీఎల్‍ జట్టుగా RCB నిలిచింది.కాగా చెన్నై సూపర్ కింగ్స్(CSK) 16 మిలియన్ల ఫాలోవర్లతో మొదటి స్థానంలో ఉంది.ఆ తర్వాత ముంబై ఇండియన్స్(14.1M),కోల్‌కతా నైట్ రైడర్స్ (6.4M),సన్‌రైజర్స్ హైదరాబాద్(4.4M),రాజస్థాన్ రాయల్స్(4.4M),గుజరాత్ టైటాన్స్(4M),ఢిల్లీ క్యాపిటల్స్(3.9M),పంజాబ్ కింగ్స్(3.3M),లక్నో సూపర్ జెయింట్స్(3.2M) ఉన్నాయి.