PV Sindhu BWF Rank: పీవీ సింధు డీలా.. పదేళ్లలో లోయస్ట్ ర్యాంక్
భారత స్టార్ షట్లర్ పీవీ సింధుకు తీవ్ర నిరాశ ఎదురైంది.
దిశ, వెబ్‌డెస్క్: భారత స్టార్ షట్లర్ పీవీ సింధుకు తీవ్ర నిరాశ ఎదురైంది. పీవీ సింధు ర్యాంకింగ్స్‌లో డీలా పడిపోయింది. గత మూడేళ్లుగా వరుస పరాజయాలతో వైఫల్యాల ఊబిలో కూరుకుపోయింది. సీజన్.. సీజన్‌కూ ర్యాంకింగ్స్‌లో దిగజారిపోతూ వస్తోంది. తాజాగా విడుదలైన బీడబ్ల్యూఎఫ్ప్రపంచ ర్యాంకింగ్స్‌లో సింధు ర్యాంక్పదేళ్ల కనిష్ఠానికి పడిపోయింది. ఐదు స్థానాలు దిగజారి ప్రపంచ 17వ ర్యాంక్‌కు చేరింది. గతేడాది కామన్వెల్త్ క్రీడల్లో స్వర్ణ పతకం సాధించిన సింధు.. ఆ తర్వాత గాయంతో ఐదు నెలల పాటు ఆటకు దూరమైంది. గాయం నుంచి కోలుకొని రీఎంట్రీ ఇచ్చినా సత్తా చాటలేకపోతోంది. వరుస టోర్నీల్లో ప్రారంభ రౌండ్లలోనే ఓటమిపాలైంది. దాంతో ఈ ఏడాది ఏప్రిల్‌లోనే టాప్‌-10 ర్యాంకింగ్స్‌లో సింధు చోటు కోల్పోయింది.