‘భారత ఏ’దే అనధికార టెస్టు సిరీస్

దిశ, స్పోర్ట్స్ : ఇంగ్లాండ్ లయన్స్‌తో మూడు టెస్టుల అనధికార సిరీస్‌ను భారత్ ఏ జట్టు దక్కించుకుంది. ఆఖరి టెస్టులో నెగ్గి సిరీస్‌‌ను 2-0తో కైవసం చేసుకుంది. అహ్మదాబాద్ వేదికగా జరిగిన మూడో టెస్టులో ఆదివారం ఇంగ్లాండ్ లయన్స్‌పై 134 పరుగుల తేడాతో భారత్ ఏ జట్టు విజయం సాధించింది. భారత ఏ టీమ్ నిర్దేశించిన 402 పరుగుల లక్ష్య ఛేదనలో ఇంగ్లాండ్ లయన్స్ 268 పరుగులకే పరిమితమైంది. ఓవర్‌నైట్ స్కోరు 83/2తో చివరి రోజు ఆట కొనసాగించిన పర్యాటక జట్టు‌ను భారత ఏ జట్టు బౌలర్లు నిలువరించారు. ముఖ్యంగా సామ్స్ ములానీ(5/60) ఐదు వికెట్ల ప్రదర్శనతో ప్రత్యర్థి పతనాన్ని శాసించాడు. శరన్ష్ జైన్(3/50) సైతం మెరిశాడు. దీంతో రాబిన్సన్(80), అలెక్స్ లీస్(55) పోరాటం చేసినప్పటికీ.. మిగతా బ్యాటర్లు విఫలమవడంతో ఇంగ్లాండ్ లయన్స్‌‌కు ఓటమి తప్పలేదు.