Pro Kabaddi : వరుస విజయాలతో దూసుకుపోతున్న పట్నా పైరేట్స్

దిశ, వెబ్ డెస్క్ : ప్రొ కబడ్డీ సీజన్ 11(Pro Kabaddi season 11)లో పట్నా పైరేట్స్(Patna Pirates) వరుసగా మూడో విజయం సాధించింది. శనివారం గచ్చిబౌలి ఇండోర్ స్టేడియంలో జరిగిన మ్యాచ్‌లో పట్నా 42-37 పాయింట్ల తేడాతో యూపి యోధా టీమ్‌(UP Yodha team)పై జయకేతనం ఎగుర వేసింది. ఆరంభం నుంచే పట్నా ఆధిపత్యం చెలాయించింది. యూపి కూడా గట్టి పోటీ ఇచ్చినా విజయం మాత్రం సాధించలేక పోయింది. అద్భుత ఆటను కనబరిచిన పట్నా ఏ దశలోనూ ప్రత్యర్థికి కోలుకునే అవకాశం ఇవ్వలేదు. దూకుడైన ఆటను కనబరిచిన పట్నా ఈ సీజన్‌లో హ్యాట్రిక్ విజయం అందుకుంది. దేవాంక్, అయాన్ పట్నా విజయంలో కీలక పాత్ర పోషించారు. ఇక యూపి ఈ సీజన్‌లో మూడో ఓటమిని చవిచూసింది.