ఫుట్‌బాల్‌కు డిఫెండర్ అనాస్ ఎడతోడిక రిటైర్మెంట్

దిశ, స్పోర్ట్స్ : భారత సీనియర్ డిఫెండర్ అనాస్ ఎడతోడిక ప్రొఫెషనల్ ఫుట్‌బాల్‌కు వీడ్కోలు పలికాడు. శనివారం సోషల్ మీడియా వేదికగా రిటైర్మెంట్ ప్రకటన చేశాడు. ‘మలప్పురం స్టేడియం నుంచి దేశమంతట సాగిన ఈ ప్రయాణం వల్ల ఓ కల నిజమైంది. మలప్పురంలోనే ఈ ప్రయాణానికి ముగింపు పలుకుతున్నా. ఈ ప్రయాణం సవాళ్లు, విజయాలు, పాఠాలతో నిండింది. నాకు మద్దతుగా నిలిచిన అందరికీ ధన్యవాదాలు. ఫుట్‌బాల్ నేను తిరిగి ఇవ్వగలిగిన దాని కంటే ఎక్కువ ఇచ్చింది. ప్రతి క్షణానికి నేను రుణపడి ఉంటా.’ అని ఇన్‌స్టాగ్రామ్‌లో రాసుకొచ్చాడు. కాగా, 37 ఏళ్ల అనాస్ 21 మ్యాచ్‌ల్లో భారత్‌కు ప్రాతినిధ్యం వహించాడు. దాదాపు అన్ని ప్రముఖ ఫుట్‌బాత్ క్లబ్‌లకు ఆడిన అనాస్.. 172 క్లబ్ మ్యాచ్‌లు ఆడాడు. శుక్రవారం కేరళ సూపర్ లీగ్‌ టోర్నీలో భాగంగా మలప్పురం తరపున తిరువనంతపురం కొంబాన్స్‌‌తో చివరి మ్యాచ్ ఆడాడు.