IPL: రిటైర్మెంట్‌పై MS ధోనీ అనూహ్య వ్యాఖ్యలు

దిశ, వెబ్‌డెస్క్: టీమిండియా మాజీ కెప్టెన్ మహేంద్ర సింగ్ ధోనీ గురించి ప్రత్యేకంగా పరిచయం చేయాల్సిన పనిలేదు. ఇండియన్ క్రికెట్‌లో ధోనీ ముందు ధోనీ తర్వాత అంటున్నారంటే, ఆయన అందించిన సేవలు ఎలా ఉన్నాయో అర్ధం చేసుకోవచ్చు. తాజాగా.. ధోనీ ఐపీఎల్‌లో చెన్నై జట్టుకు సారధ్యం వహిస్తున్నారు. ఈ క్రమంలో ధోనీ రిటైర్మెంట్‌పై మరోసారి వార్తలు వైరల్ అయ్యాయి. తనకు ఇదే చివరి ఐపీఎల్ సీజన్ అని వస్తున్న వార్తలపై కెప్టెన్ ధోని కీలక వ్యాఖ్యలు చేశారు. ఇటీవల ఓ కార్యక్రమంలో రిటైర్మెంట్ పై పలువురు ప్రశ్నించగా.. ఆయన బదులిస్తూ.. ‘‘దీనిపై నిర్ణయం తీసుకోవడానికి చాలా సమయం ఉంది. ప్రస్తుతం నేను ఈ సీజన్‌లో చాలా మ్యాచ్‌లు ఆడాల్సి ఉంది. ఇప్పుడు నేను ఏమి చెప్పినా కూడా కోచ్ ఒత్తిడికి లోనవుతారని’’ వెల్లడించారు.