ఆ అమ్మాయి మెడలో విరాట్ కోహ్లీ లాకెట్..ఆమె ఎవరో తెలిస్తే షాక్ అవ్వాల్సిందే!

దిశ,వెబ్‌డెస్క్: న్యూయార్క్‌లోని నసావు కౌంటీ ఇంటర్నేషనల్ క్రికెట్ స్టేడియంలో జరిగిన T20 ప్రపంచ కప్ 2024 పోరులో భారత్ ఆరు వికెట్ల తేడాతో పాకిస్థాన్‌ను ఓడించిన విషయం తెలిసిందే. వివారల్లోకి వెళితే.. T20 ప్రపంచ కప్ 2024 పోరులో ఆదివారం పాకిస్తాన్‌తో విరాట్ కోహ్లీ కేవలం నాలుగు పరుగులే చేయగలిగినప్పటికీ, స్టేడియంలో నసావు కౌంటీ ఇంటర్నేషనల్ క్రికెట్‌లో ఒక పాకిస్థానీ అమ్మాయి భారత మాజీ కెప్టెన్ చిత్రం ఉన్న లాకెట్టును ధరించి కనిపించిడం వైరల్‌గా మారింది.

సోషల్ మీడియాలో ‘లవ్ ఖానీ’ పేరుతో 24 ఏళ్ల ఫిజా ఖాన్ న్యూయార్క్‌లో మ్యాచ్ సందర్భంగా తాను వేసుకున్న విరాట్ కోహ్లీ లాకెట్టును ప్రదర్శిస్తూ కనిపించింది. ఆదివారం జరిగిన మ్యాచ్‌లో ఆమె వేదిక నుంచి అనేక వీడియోలు చేస్తూ అలరించింది. విరాట్ నాలుగు పరుగులు మాత్రమే చేసి ఔట్ అయినప్పటికీ ఆ యువతి కోహ్లీకి మద్దతు ఇచ్చి తన అభిమానాన్ని చాటుకుంది. ఆమె ఫిజా పాకిస్తాన్‌కు చెందిన యువతి కానీ ప్రజెంట్ యునైటెడ్ అరబ్ ఎమిరేట్స్‌లో నివసిస్తుంది. ప్రస్తుతం ఈమె వీడియో నెట్టింట హల్‌చల్ చేస్తుంది.