అన్ని ఫార్మాట్లకు రిటైర్మెంట్ ప్రకటించిన ఇంగ్లాండ్ క్రికెటర్..

దిశ, వెబ్‌డెస్క్: ఇంగ్లండ్‌ బ్యాట్స్‌మెన్‌ అలిస్టర్‌ కుక్‌ అన్ని ఫార్మాట్లకు రిటైర్మెంట్ ప్రకటించారు. కొన్నాళ్ల పాటు ఇంగ్లండ్‌ జట్టుకు కెప్టెన్‌గా, బ్యాటర్‌గా తన సేవలు అందించాడు. 2018 సెప్టెంబర్‌లోనే అంతర్జాతీయ క్రికెట్‌కు రిటైర్మైంట్ ప్రకటించినప్పటికి.. ఇంగ్లండ్ దేశవాళీ క్రికెట్‌లో ఆడాడు. ఇప్పుడు 38 ఏళ్ల వయసులో అన్ని ఫార్మాట్లకు రిటైర్మెంట్ ప్రకటించాడు. ఇంగ్లండ్ తరఫున టెస్టు ఫార్మాట్‌లో పదివేల పరుగులు చేసిన తొలి బ్యాటర్‌గా అలిస్టర్ కుక్ నిలిచాడు.

అలిస్టర్ కుక్ ఇంగ్లాండ్ తరఫున అంతర్జాతీయ క్రికెట్‌లో మొత్తం 161 టెస్ట్​మ్యాచ్‌లు ఆడగా.. సగటు 45.35తో 12,472 పరుగులు చేశాడు. బెస్ట్ స్కోరు 294. కుక్ తన టెస్టు కెరీర్‌లో 33 సెంచరీలు, 57 హాఫ్ సెంచరీలు సాధించాడు. 92 వన్డే మ్యాచ్‌లు ఆడి 36.4 సగటుతో 3204 పరుగులు చేశాడు. అందులో 5 సెంచరీలు, 19 అర్ధ సెంచరీలు కూడా ఉన్నాయి. 352 ఫస్ట్ క్లాస్ మ్యాచ్‌లు ఆడగా.. 46.41 సగటుతో 26,643 పరుగులు చేశాడు. అందులో 74 సెంచరీలు, 125 అర్ధ సెంచరీలు ఉన్నాయి. ​అలిస్టర్ ​కుక్ ​తన క్రికెట్​ కెరీర్‌లో వరుసగా 159 టెస్టులాడి 24 ఏళ్లుగా ఆస్ట్రేలియా మాజీ కెప్టెన్‌ అలన్ బోర్డర్​పేరిట ఉన్న టెస్టు రికార్డును బద్దలు కొట్టాడు. ఆ తర్వాత 2018లో అంతర్జాతీయ క్రికెట్ నుండి రిటైర్మెంట్ ప్రకటించి.. దేశీయ క్రికెట్‌పై దృష్టి పెట్టాడు.